Clár Na Féile Fógartha D’fhéile Ealaíon Raghnallach

Dé Luain 12 Meán Fómhair 2005

Fógraíodh clár don chéad Fhéile Ealaíon riamh i Raghnallach ag imeacht i nGaelscoil Lios na nÓg, Raghnallach, um thráthnóna inniu.

I measc bhuaicphointí an chláir tá ceol ó Chiaran Tourish, Bree Harris agus Roesy, aithris filíochta le MacDara Woods, siúlóid ailtireachta, agus dhá lá oscailte i nGairdíní Raghnallach mar a chuirfidh scoileanna áitiúla, Young Orchestral Pops, Macnas Ranelagh Rhythm, agus Independent Theatre Workshop siamsaíocht is sult ar fáil do chách.

Beidh ealaín mar chuid lárnach den chlár, le haisbhreathnú ar obair Dhonal O'Sullivan, agus le taispeántas ealaíne ag dhá ealaíontóir Fhionlannacha, Sulima Rintala, atá lonnaithe i Raghnallach agus Hasan Fuat Sari, atá lonnaithe thar lear. Dóibh siúd atá tugtha do scannáin, beidh deis as an ngnách acu faire ar an scannán ceannródaíoch Ballroom of Romance, ar an scannán faisnéise iomráiteach, The Tear and the Smile, agus ar Rooney, scéal gleoite faoi imreoir clúiteach iománaíochta, a scannánaíodh i Raghnallach agus i Ráth Maonais sna 1950aidí.

“Seo clár atá thar a bheith spreagúil,” a dúirt Terry Connaughton, Stiúrthóir Ealaíne na Féile. “Orthu siúd a bheidh linn i Raghnallach beidh roinnt de na ceoltóirí is cumasaí in Éirinn. Beidh dhá thaispeántas iontacha ealaíne agus meascán spéisiúil scannán, imeachtaí liteartha, dráma aonair, cór gaspail – agus thar aon ní eile – na Laethanta Oscailte, a thabharfaidh pobal Raghnallach le chéile chun aithne a chur ar a chéile agus spiorad pobail an cheantair a dhaingniú, mar gurb é sin bun agus barr na Féile.”

Reáchtálfar an Fhéile ón 29ú lá Meán Fómhair go dtí an 2ú lá Deireadh Fómhair in ionaid ar fud Raghnallaigh. Tuilleadh eolais faoi imeachtaí agus faoi thicéid ar fáil ón mBoth Féile a lonnófar cóngarach don 'Triantán'.

CRÍOCH .

Nótaí do na hEagarthóirí

Eolas faoin gCúlra
D’eagraigh áitritheoirí an cheantair Féile Ealaíon Raghnallach, mar fhéile don phobal, sa phobal. Ceiliúrfaidh an ócáid Raghnallach, mar a bhí agus mar atá faoi láthair, agus an tábhacht a bhaineann le hEalaín i saol na ndaoine. Is é sprioc fadtéarmach na Féile ná go gcuirfí ionad cultúrtha ar bun ina bhféadfadh pobal Raghnallach na healaíona a cheiliúradh. Ta idir óg agus aosta agus daoine ó chúlraí éagsúla páirteach san Fhéile, agus díreofar go háirithe ar rannpháirtíocht na bpáistí ar an Lá Oscailte a bheidh ar siúl ar an gcéad lá Deireadh Fómhair. Tuilleadh eolais ar fáil ó: www.ranelagharts.org


Fiosrúcháin Meáin
Má tá aon fhiosrúchán agat, téigh i dteagmháil le Martina Quinn, le do thoil, ag – 087-6522033, media@ranelagharts.org